အမေရိကန်သမ္မတ (၈)ဦး၏အံ့အားသင့်ဖွယ်စာပေဖတ်ရှုခြင်းအမူအကျင့် နှင့် ၎င်းတို့ကြိုက်နှစ်သက်သည့်စာအုပ်များ။
(8 Fascinating Stories About Presidents And Their Favorite Books)
ဘာသာပြန်သူ – အောင်မြင့်
အောက်ပါတို့မှာ အိမ်ဖြူတော်အတွင်း၌ရှိနေကြစဉ် သမ္မတ (၈) ဦးတို့၏အံ့အားသင့်ဖွယ်ရာစာပေဖတ်ရှုခြင်းအကျင့်များ နှင့် ၎င်းတို့ကြိုက်နှစ်သက်သည့်စာအုပ်များပင်ဖြစ်ကြသည်။
၁။ သမ္မတာ John Adams နှင့် Thomas Jefferson တို့အတွက် စာပေဖတ်ရှုခြင်းမှာ အကုန်အကျများခဲ့သည် သို့ရာတွင် အကျိုးရှိသည့်ရင်းနှီးမြှုပ်နှံမှုပင်ဖြစ်သည်။.
စာအုပ်များသည် အမေရိကန်ပြည်သူများအတွက် ကောင်းမွန်သည့် အသိဥာဏ်ဆိုင်ရာပုံရိမ်တစ်ခုဖြစ်စေဖို့ အမေရိကန်သမ္မတများ အားလုံး တို့မှ ယခုအချိန်အထိ စဉ်ဆက်မပြက် အသုံးပြုခဲ့ကြသည့် ယဉ်ကျေးမှု ဆိုင်ရာအသုံးအဆောင်ပစ္စည်းဖြစ်ပါသည်။
၁။ သမ္မတ John Adams နဲ့ Thomas Jefferson တို့အတွက် စာအုပ်များ ၀ယ်ယူဖို့အခက်အခဲရှိ သည့်တိုင်အောင် စာအုပ်များ၀ယ်ဖတ်ခဲ့ကြသည်။
ဤ သမ္မတ နှစ်ဦးအသက်ရှင်ခဲ့သည့်အချိန်ကာလ ၁၇၇၆ အေဒီ ၀န်းကျင် တွင် စျေးအကြီးဆုံးဖြစ်ခဲ့သည်။ အာဒမ်စမက်၏ The Wealth of Nations စာအုပ်မှာ ယနေ့ဒေါ်လာနဲ့ နှိုင်းယှဉ်မည်ဆိုပါက ၆၁၅ ဒေါ်လာ ကျင့်သင့် မည်ဖြစ်ပါသည်။ ၄င်းပမာဏဖြင့် ယခုအခါ iPad တစ်လုံး ၀ယ်ယူနိုင်မည်ဖြစ်ပါသည်။ သို့ရာတွင် စာအုပ်များ၀ယ်ယူဖို့အတွက် အကုန်အကျများခဲ့သည့်တိုင် အောင် အဆိုပါသမ္မတနှစ်ဦးတို့မှာ အမေရိကန်ပြည်ထောင်စုတည် ထောင်သည့်အချိန်ကာလတွင် စာဖတ်အများဆုံးပုဂ္ဂိုလ်များ စာရင်းတွင် ပါ၀င်ခဲ့ကြပေသည်။ Jefferson သည် သူ၏ကိုယ်ပိုင်စာကြည့် တိုက်တွင် စာအုပ်ပေါင်း (၆၄၈၇) အုပ်အထိစုဆောင်းထားခဲ့ပြီး၊ ၄င်းမှာ နောင်အခါ တွင် လွှတ်တော်၏အခြေခံစာကြည့်တိုက် (the Library of Congress) ဖြစ်လာခဲ့သည်။ Jefferson က “စာအုပ်မရှိဘဲ ငါအသက်မရှိနိုင်” ဟုဆိုခဲ့ ပါသည်။ John Adams တွင် သူ၏ကိုယ်ပိုင်စာကြည့်တိုက်တွင် စာအုပ်ပေါင်း (၃၀၀၀) အထိ စုဆောင်းထားခဲ့သည်။
၂။ Abraham Lincoln သည် သူ၏နိုင်ငံရေး နှင့် လူမှုရေးဆိုင်ရာ ကျွမ်းကျင်ပြောင်မြောက်မှုများကို ပိုမိုထက်မြတ်စေဖို့အတွက် သူတတ်နိုင်သမျှ စာအုပ်များကို ဖတ်ရှုရှာဖွေ ခဲ့သည်။
အဆိုပါ ခေတ်ကာလသဘာဝပတ်ဝန်းကျင်တွင် အမေရိကန်ပြည်ထောင်စုတည်ထောင်သူများအနေဖြင့် စာအုပ်များကို ရှာဖွေဖတ်ရှုရခြင်းသည် ပို၍ပင်ခက်ခဲနေခဲ့သည်။ မရှိဆင်းရဲသည့်မိသားစုပေါက်ဖွားလာသည်နှင့်အညီ Abraham Lincoln သည် သမ္မာကျမ်းစာ၊ စာရေးဆရာ Parson Weems ရေးသားသည့် Life of Washington စာအုပ်၊ Aesop’s fables၊ Robinson Crusoe ၊ Pilgrim’s Progress နှင့် အမေရိကန်ပြည်ထောင်စုသမိုင်း တို့အပါအဝင် စာအုပ်အများအပြားဖတ်ရှုဖို့ အကန့်အသတ်ရှိနေခဲ့ပြီး စာအုပ်အနည်းငယ်ကိုသာ ရွေးချယ်ဖတ်ရှုနိုင်ခဲ့သည်။
Lincoln သည် စာအုပ်အသစ်များဖတ်ရှုနိုင်ဖို့ ကြိုးစားခဲ့သည့်တိုင် သူ့အနေဖြင့် ၎င်းတို့ကို အမြဲတမ်းမဖတ်ရှုနိုင်ခဲ့ပေ။ စာအုပ်အသစ်များမရရှိနိုင်သည့်အချိန်တွင် သူဖတ်ပြီးသောစာအုပ်အနည်းငယ်ကို ထပ်ကာထပ်ကာပြန်လည်ဖတ်ရှုခဲ့သည့်အတွက် ၎င်းတို့၏အနှစ်သာများကို နှံစပ်ထားနိုင်ခဲ့သည်။ သမ္မာကျမ်းစာအုပ် နှင့် Shakespeare စာအုပ်များထံမှ အများသုံးဘာသာစကားအသုံးအနှုန်းတို့ကို မြင့်သားစေခြင်း၊ Aesop စာအုပ်မှ အကြောင်းအရာတစ်ခုခုအား အကွက်ကျကျထောက်ပြဆွေးနွေးပြောဆိုနိုင်ဖို့ အနုပညာမြောက်သည့် မီးမောင်းထိုးပြချက်များ၊ Weems စာအုပ်မှ လုများ၏နှလုံးသားများကို ဖမ်းယူဆွဲဆောင်နိုင်သည့်ခေါင်းဆောင်တစ်ဦး၏ချီးကျူးဖွယ်ရာအတက်ပညာများကို ရရှိသင်ယူနိုင်ခဲ့သည်။
သူ၏စာပေဖတ်ရှုမှုသည် မရှိဆင်းရဲသည့်တိုင် စာပေဖတ်ရှုမှုမြတ်နိုးသူတစ်ဦးမှသည် ကျွန်ုပ်တို့၏ ကဗျာဆရာ သမ္မတကြီးအဖြစ်သို့ရောက်ရှိလာနိုင်ခဲ့ခြင်း၊ သူ၏အများနဲ့မတူထူးချွန်ပြောင်မြောက်သည့်ဆင့်ကဲဖွံ့ဖြိုးတိုးတတ်လာနိုင်မှုအတွက် ချီးကျူးဖို့အတွက် ထိုက်တန်သလို၊ ထိုကဲ့သို့ချီးကျူးမှုများစွာကို ရရှိစေခဲ့သည်။ နောက်ဆုံးတွင် သူ၏ အသိဥာဏ် နှင့် ဥာဏ်ပညာတို့အတွက် ဂုဏ်ပြုသည့်အနေဖြင့် သူ့ရုပ်တုအား Mount Rushmore ပေါ်တွင် ထင်ရှားစွာတွေ့မြင်နေရသည်။
၃။ Teddy Roosevelt သည် အိမ်ဖြူတော်၌ရှိနေစဉ်အတွင်း The Jungle စာအုပ်ရေးသားသူ Upton Sinclairအပြင် စာရေးဆရာများစွာကို မိတ်ဆွေဖွဲ့ခဲ့သည်။
Teddy Roosevelt ၏ စာအုပ်များအား ဖတ်ရှုမှုနှစ်သက်မြတ်နိုးခြင်းသည် အိမ်ဖြူတော်၌ရှိနေသည့်အချိန်အတော်အတွင်းမှာပင်တစ်ညတည်းတွင် စာအုပ် နှစ်အုပ်မှ သုံးအုပ်အထိဖတ်ရှုခဲ့သည်။ ၎င်းသည် သူ့အား ငှက်များ၊ ကဗျာ၊ နိုင်ငံရေး၊ ရေတပ်အင်အား နှင့် အတ္ထုပ္ပတ္တိများ ..ကဲ့သို့သော မတူညီသည့်အကြောင်းအရာများစွာကို နှံစပ်သိရှိနိုင်သည့် အားကိုးအားထားရသည့်ဗဟုသုတများကို ရရှိစေဖို့ အထောက်အကူဖြစ်စေခဲ့သည်။ တကယ်လို့ စာအုပ်တစ်အုပ်အနေဖြင့် သူ့အား ဖမ်းစားထားပါက Roosevelt အနေဖြင့် ၎င်းစာရေးဆရာကို ဆက်သွယ်ပြီး မိတ်ဆွေဖွဲ့ထားလိုက်သည်။ ၎င်းကဲ့သို့လုပ်ဆောင်ခြင်းသည် Roosevelt ၏ဗဟုသုတပိုမိုကြွယ်ဝစေခြင်း နှင့် စာရေးဆရာ၏နည်ကောင်းရစေခြင်းတို့ကို ဖြစ်ပေါ်စေခဲ့သည်။ သူမိတ်ဆွေဖွဲ့ခဲ့သည့်စာရေးဆရာများတွင် Alfred Thayer Mahan၊Upton Sinclair ၊ Israel Zangwill နှင့် Jacob Riisတို့ ပါဝင်ခဲ့ကြသည်။ တကယ်လို့ စာရေးဆရာတစ်ဦးဦးအနေဖြင့် သူ့အား မဖမ်းစားနိုင်ပါကလည်း သူသည် စာအုပ်တစ်အုပ်ကို ယူပြီး သင့်လျှော်သလို စတင်ဖတ်ရှုလိုက်တော့သည်။ သူသည် မီးရထားများစောင့်ဆိုင်းနေသည့်အချိန်များ (သို့) တွေ့ဆုံဖို့ချိန်းဆိုသည့်အချိန်များတွင် စာအုပ်များကို ဖတ်ရှုနေတတ်ပြီး ပါတီပွဲများ နှင့် ကွန်ဖရင့်အစည်းအဝေးများတွင်လည်း တိုနည်းအတိုင်းပင် စောင့်ဆိုင်းနေရသည့်အချိန်များ၌ စာအုပ်တစ်အုပ်ကို ဖွင့်ဖတ်ဖို့ စိတ်ကတိကအောက်ဖြစ်မနေခဲ့ပေ။
၄။ John F. Kennedy ၏ James Bond ဝတ္ထုအား နှုစ်သက်ခြင်းအား မီဒီယာများမှ ဖွင့်ဖွလိုက်ကြသည့်အတွက် ၎င်းဝတ္ထုစာအုပ်များမကျန်တော့လောက်အောင် ရောင်းအားသွပ်ခဲ့ရပြီး သမ္မတ နှင့် Ian Fleming.တို့ကိုပါ နာမည်ကြီးထွားစေခဲ့သည်။
John F. Kennedy သည် Ian Fleming ၏ ဝတ္ထုများကိုနှစ်သက်ခြင်းအား လူသိရှင်ကြားဖေါ်ထုတ်ခဲ့ခြင်းသည် superspy James Bond အား အများအပြားပုံနှိပ်ထုတ်ဝေဖို့ရန် တွန်းအားကို ဖြစ်စေခဲ့သည်။ သို့မဟုတ် ဤသည်မှာ အနည်းဆုံးလုပ်ကြံသတင်းတစ်ပုဒ်လည်းဖြစ်နိုင်ပါသည်။ Kennedy သည် အဆိုပါစာအုပ်များကို အတိုင်းအတာတစ်ခုအထိ ကြိုက်နှစ်သက်ခဲ့သည့်တိုင် မီဒီယာများထဲတွင် ကြီးမားစွာ ဖေါ်ပြခဲ့သည့်အတိုင်းအတာအထိတော့ မနှစ်သက်ခဲ့ပေ။ Newsweek သတင်းထောက်တစ်ဦး နှင့် Kennedy ၏မိတ်ဆွေဖြစ်သူ နောင်တစ်ချိန်တွင် the Washington Post ၏ အယ်ဒီတာဖြစ်လာခဲ့သူ Ben Bradlee က “ကနေဒီအနေဖြင့် Bond books များ နှင့် ရဒပ်ရှင်များ၏ ခေတ်စားမှု၊ လ္လိင် နှင့် ကြမ်းတမ်းမှုများ” ကို နှစ်သက်ပုံရတယ်” ဟု မှတ်ချက်ပြုခဲ့သည်။
ကနေဒီ၏စိတ်ဝင်စားမှု အတိုင်းထက်အလွန်ကျော်ကြားခဲ့သည်။ ၎င်းသည် ကနေဒီ၏လက်ထောက် Arthur Schlesinger ကပင်လျှင် Kennedy ၏ Fleming နဲ့ဆက်နွယ်မှုအား သူ၏ “James Bond အား စွဲသွားခြင်းဟု ယူဆထားခြင်း” မှာ “လူသိရှင်ကြားနှုတ်တိတ်ဆိတ်မှု” တစ်ခုကို ပြုလုပ်ဖို့ရန် တွန်းအားကိုပင် ကြုံတွေ့ခဲ့ရသည်ဟု ပင် ဝန်ခံခဲ့ရသည်။ အဆိုပါ နှုတ်ဆိတ်ထားမှုတစ်ခုသည် Kennedy နှင့် Fleming တို့အတွက် အလွန်ပင် အောင်မြင်မှုရရှိခဲ့သည်။
၅။ Ronald Reagan သည် ၁၉၈၅ ခုနှစ်တွင် “The Hunt For Red October” ၏စာအုပ်များကို ချီးမွမ်းခဲ့သည့်အခါ launch Tom Clancy ၏အသက်မွေးဝမ်းကျောင်းအလုပ်(စာအုပ်ရေးသားခြင်း) စတင် ပုံနှိပ်ထုတ်ဝေဖို့ အကူအညီပေးခဲ့သည်။
သူ့သရုပ်ဆောင်အသက်မွေးဝမ်းကျောင်းလုပ်ငန်းအတွက် လူသိများခဲ့သည့်တိုင် Ronald Reagan သည် စာပေဖတ်ရှုဖို့ ကြိုက်နှစ်သက်သူဖြစ်သည်။ သူ့ပြောရေးဆိုခွင့်ရှိသူ Marlin Fitzwater က ရီဂန်အနေဖြင့် မကြာသေးမီက ထုတ်ဝေထားသော nonfiction စာအုပ်များ (စိတ်ကူးယဉ်အရကြံစည်ရေးသားထားသည့်စာအုပ်များမဟုတ်သော) ကို ဖတ်ရှုနေကြောင်းကို မီဒီယာများကို ဖွင့်ပြောနိုင်ကြောင်း ပြောဆိုခဲ့သည်။ ရီဂန်အနေဖြင့် Louis L’Amour Westerns ၏ဝတ္ထုစာအုပ်ကို ပုံမှန်ဖတ်ရှုနေခြင်းထက် သတင်းထဲတွင် အထက်ပါအကြာင်းအရာမှာ ပိုမိုထင်ရှား ကောင်းမွန်လိမ့်မည်ဟု Fitzwater က ထင်မှတ်ထားခဲ့သည်။ သို့သော် “မဟုတ်ဘူး Marlin ငါတို့ အဲဒီလိုလုပ်ဖို့ မလိုဘူးထင်တယ်” ဟု ရီဂန်က ပြောခဲ့သည်။
Reagan သည် တီထွင်ရေးသားထားသည့်ဝတ္ထုစာအုပ်များ(fiction) စွာကို ဖတ်ရှုခဲ့သည်။ ၎င်းသည် မထင်ရှားခဲ့သည့်အာမခံအရောင်းသမား Tom Clancy အား တမူထူးခြားထင်ရှားသည့်ပုံနှိပ်ထုတ်ဝေရေးလုပ်ငန်းရှင်အဖြစ်သို့ ပြောင်းလဲသွားအောင် အထောက်အကူဖြစ်စေခဲ့သည်။ ၁၉၈၅ ခုနှစ်တွင် ရီဂန်က Clancy ၏ Cold War techno-thriller The Hunt စာအုပ်အား Red October “a perfect yarn” ဟု ခေါ်တွင်ခဲ့ပြီးနောက် ရောင်းရအကောင်းဆုံးစာအုပ်အဖြစ် ထောင်တက်သွားခဲ့တော့သည်။ “သမ္မတ ရီဂန်က စာအုပ်ကို ရောင်းရအကောင်းဆုံးစာအုပ်အဖြစ် လုပ်ပေးလိုက်တာပါ” ဟု Clancy က ဝန်ခံခဲ့သည်။ ထို့အပြင် “ကျွန်တော်ဟာ အသစ် Hemingway တော့ မဟုတ်ပါဘူး မထင်မှတ်ထားတဲ့ ကံကောင်းခြင်းသက်သက်သာဖြစ်ပါတယ်” ဟုလည်း ထပ်လောင်းပြောကြားခဲ့သေးသည်။ Hemingway ဟုတ်သည်ဖြစ်စေ၊ မဟုတ်သည်ဖြစ်စေ Reagan သည် Clancy အား အလွန်ချမ်းသာသွားစေသည့်စာရေးအဖြစ်သို့ တွန်းပို့ကူညီပေးခဲ့ခြင်းမှာ ငြင်းလို့မရပေ။ သူသည် နောက်ထပ်ထုတ်ဝေမည့် ဝတ္ထုစာအုပ် (၃) အုပ်အတွက် ဒေါ်လာသုံးသန်းကျော်စာချုပ်တစ်ခုကို ပင်ချုပ်ဆိုနိုင်ခဲ့သည်အထိ အောင်မြင်မှုကို ရရှိစေခဲ့သည်။
၆။ Bill Clinton သည် လျှို့ဝှက်ဆန်းကြယ်သည့်ဝတ္ထုများကို မဖတ်ရ မနေနိုင်ဖြစ်ခဲ့ရသည်။ ၎င်းတို့အား cheap little thrills outlet.” ဟု သူခေါ်တွင်ခဲ့သည်။
Bill Clinton သည် လျှို့ဝှက်ဆန်းကြယ်ရေးသားချက်များကို ဖတ်ရှုဖို့ နှစ်သက်သူဖြစ်သည်။ သူက “ကျွန်တော် လျှို့ဝှက်ဆန်းကြယ်ဝတ္ထုတွေကို နှစ်သက်တယ်၊ စွဲနေတယ်၊ ဒါတွေက ကျွန်တော့်ရဲ့ ဈေးအနည်းငယ်ပေါတဲ့ စိတ်လှုပ်ရှားဖွယ်ရာတွေထဲကတစ်ခုပေါ့” ဟု C-SPAN သတင်းဌာနမှ Brian Lamb အား ပြောကြားခဲ့ဖူးသည်။
လျှို့ဝှက်ဆန်းကြယ်ဝတ္ထုရေးဆရာများအတွက် ၎င်းတို့၏စာအုပ်များအား ကလင်တန်၏စာအုပ်ဖတ်စာရင်းထဲသို့ ရောက်ရှိသွားအောင် ပြုလုပ်ပေးခဲ့သည့် စီးပွားရေးဆိုင်ရာအခွင့်အရေးတစ်ခုရှိခဲ့သည်။ ကလင်တန်မှ Walter Mosley ၏ စုံထောက်ဝတ္ထု White Butterfly အား ဖတ်နေသည်ဟု သတင်းထွက်လာသည်နှင့် ၎င်း၏ရောင်းအားမှာထောင်တက်သွားခဲ့သည်။ အများကြီးမဟုတ်သည့်တိုင် Mosely အနေဖြင့် သူမျှော်လင့်ထားခဲ့သလိုပဲ စဉ်းစားမိလောက်သည့်အဆင့်တွင် ရှိနေခဲ့မည်သာဖြစ်သည်။ ၁၉၉၄ ခုနှစ် ဖေဖေါ်ဝါရီလတွင် ကလင်တန်သည် Washington’s Mystery Books မှ ထွက်ပေါ်လာပြီး သူဝယ်ယူထားသည့် Michael Connelly ၏ Concrete Blonde စာအုပ်များကို ကိုင်ထားသည်ကို ကင်မရာများ နှင့် သတင်းထောက်များမှ တွေ့ရှိရိုက်ကူးသွားကြသည့်အတွက် ထိုကတည်းကပင် Connelly ၏ စာအုပ်များမှာ ချက်ချင်းပင် ရောင်းအားအကောင်းဆုံးစာအုပ်ဖြစ်သွားသည်။
၇။ George W. Bush သည် သူ့သမ္မတတာဝန်ထမ်းထောင်စဉ်အတွင်း စာအုပ်ပေါင်း (၁၈၆) အုပ်ကို (၂) နှစ်ကျော်အတွင်း ဖတ်ရှုနိုင်ခဲ့သည့်အတွက် အံအားသင့်စရာလောက်များပြားသည့်စာအုပ်များကို ဖတ်ရှုနိုင်ခဲ့သည်။
သူ၏နာမည်ကျော်ကြားခြင်းနဲ့ဆန့်ကျင်ဘက် George W. Bush သည် နောက်ကွယ်၌အလွန်ပင်စာပေဖတ်ရှုလေ့လာသောသူတစ်ဦးဖြစ်သည်။ သူ့အား စာပေမဖတ်ရှုမလေ့လာသူတစ်ဦး နှင့် မစူးစမ်းမလေ့လာသူတစ်ဦးအဖြစ် စွပ်စွဲမှုများရှိနေခဲ့သည့်တိုင် Bush သည် စာအုပ်မြောက်များစာကို ဖတ်ရှုနေခဲ့သူဖြစ်သည်။ “George W. Bush ကို သိရှိလာခဲ့တာ ၃၃ နှစ်ကြာတိုင်အောင်ရှိနေပြီ သူ့အနီးအနားမှာ အမြဲတမ်း စာအုပ်တစ်အုပ်အုပ်တော့ ရှိနေတာကို ကျွန်တော်တွေ့ရတယ်” ဟု Karl Rove က ၂၀၀၈ ခုနှစ်တွင် ရေးသားခဲ့သည်။
Bush သည် ၂၀၀၆ ခုနှစ် နှင့် ၂၀၀၈ ခုနှစ်အတွင်း စာအုပ်ပေါင်း (၁၈၆) အုပ် ဖတ်ရှုခဲ့သည်။ အဓိက အတ္ထုပ္ပတ္တိစာအုပ်များ နှင့် သမိုင်းစာအုပ်များကို ဖတ်ရှုခဲ့သည်။ နှိုင်းယှဉ်မည်ဆိုပါက သာမန်အမေရိကန်တစ်ဦးအနေဖြင့် တစ်နှစ်ကို စာအုပ်ပေါင်း (၄) အုပ်သာဖတ်ပြီး၊ (၂၇) ရာခိုင်နှုန်းသော အမေရိကန်များအနေဖြင့် တစ်နှစ်လုံးတွင် စာအုပ်လုံးဝပင် မဖတ်ကြကြောင်း အစီရင်ခံချက်နဲ့ နှိုင်းယှဉ်မည်ဆိုပါက၊ Bush သည် သမ္မတအိမ်ဖြူတော်ထဲတွင် ရှိနေစဉ်မှာပင် လင်ကွန်း အတ္ထုပ္ပတ္တိစာအုပ် (၁၄) အုပ်အထိ ဖတ်ရှုခဲ့သည်။ ထို့အပြင် ၎င်းဖတ်စာရင်းများထဲတွင် သူနေ့စဉ်ခွန်အား ယူပြီး၊ တစ်နှစ်ပတ်လုံးဖတ်ရှုနေသည့် သမ္မာကျမ်းစာအုပ်လည်း ရှိနေသေးသည်။ အခြားအံ့အားသင့်စရာတစ်ခုမှာ Bush သည် ခွဲခြားချိုးနှိမ်ခြင်းမပြုဘဲ liberal နှင့် conservative စာရေးဆရာများရေးသားသည့်စာအုပ်များအားလုံးကို ဖတ်ရှုတတ်သည်။ ဆန့်ကျင်ဘက်အနေဖြင့် Clinton နှင့် Obama တို့မှာ liberal စာရေးဆရာများရေးသားသည့် စာအုပ်များကိုသာ အထူးသီးသန့် ဖတ်ရှုခဲ့ကြသည်။ သို့ရာတွင် Reagan သည် conservatives စာရေးဆရာများရေးသားသည့်စာအုပ်များကို နှစ်သက်ခဲ့သည်။
၈။ Obama သည် အစောပိုင်းကာလကတည်းကပင် ရောင်းရအကောင်းဆုံးစာရေးဆရာအဖြစ် သူ့ကိုယ်သူ တည်ဆောက်ထားနိုင်ခဲ့သည်။
Obama သည် အစောပိုင်းကလကပင် သူ၏အမှတ်တရစာအုပ်ဖြစ်သည် Dreams from My Father စာအုပ်ရေးသားခြင်းဖြင့် သူ၏ စာရေးဆရာအသက်မွေးဝမ်းကျောင်းအလုပ်အား ဥာဏ်ရည်ထက်မြတ်သည့်ပုံရိပ်ကောင်းတစ်ခုကို တည်ဆောက်ထားနိုင်ခဲ့သည်။ အဆိုပါစာအုပ်မှာ ရောင်းအားအကောင်းဆုံးဖြစ်လာခဲ့ပြီး ၎င်းသည် အိုဘားမားအား သီးခြားချမ်းသာကြွယ်ဝမှုကိုဖြစ်စေခဲ့သည်။ သို့သော် Obama သည် အခြားသောနည်းလမ်းများအားဖြင့်လည်း ရောင်းအားကောင်းသည့်စာအုပ်များကို ဖန်တီးနိုင်ခဲ့သည်။
Obama သည် ယခင်သမ္မတများထုတ်ဝေထားခဲ့သည့်ပုံမှန်ထူးခြားနေတတ်သည့်စာအုပ်များကို နှစ်သက်သူဖြစ်သည်။ အိုဘားမား၏မျက်စိတ်ကျသည့်စာအုပ်များတွင် Kent Haruf ၏ Plainsong၊ Richard Price ၏ Lush Life၊ onathan Franzen ၏ Freedom နှင့် Doris Kearns Goodwin ၏ Team of Rivals တို့ ပါဝင်ကြသည်။ သမ္တအိုဘားမားသည် အနည်းဆုံးရောင်းအားအကောင်းဆုံး စာအုပ်နောက်တစ်အုပ်လောက်တော့ အသေအချာပင် ရေးသားထုတ်ဝေအုံးမည်ဖြစ်သည်။
အိမ်ဖြူတော်မှ သူထွက်ခွာအနားယူသွားသည့်အချိန်တွင် သူ၏သမ္မတသက်တမ်းအတွင်းအမှတ်တရများအား ရေးသားစေဖို့ သမ္မတဆိုင်ရာသမိုင်းမှတ်တမ်းအတွက် စံချိန်တင်လောက်သည့်အကြီးမားဆုံးသော ကြိုတင်ဝင်ငွေ အမှန်တကယ်ပင် ရရှိလိမ့်မည်ဖြစ်သည်။ အသေအချာပြောရမည်ဆိုပါက သမ္မတဟောင်းများအတွက် ကြီးမားသည့်ကြိုတင်ဝင်ငွေရရှိမှုသည် အသစ်အဆန်းမဟုတ်တော့ပေ။ Harry Truman သည် သူ့အမှတ်တရစာအုပ်ရေးသားခြင်းအတွက် အမေရိကန်ဒေါ်လာ (၆၇၀.၀၀၀) ရရှိခ့ပြီး သူ့အနေဖြင့် အခြားပြင်ပဝင်ငွေအနည်းငယ်သာရရှိခဲ့သည်။ ယခုအခါ သမ္မတများသည် ကြီးမားသည့်ပင်စင်လစာ(ခ)များရရှိကြသည့်အပြင် ၎င်းတို့၏အမှတ်တရစာအုပ်ရေးသားခြင်းအတွက် ကြီးမားသည့်အခကြေးငွေများကိုလည်း ရရှိလာကြသည်။ George W. Bush အတွက် ဒေါ်လာ (ရ) သန်း နှင့် Bill Clinton အတွက် ဒေါ်လာ (၁၅) သန်းတို့ဖြစ်သည်။ အိုဘားမားအနေဖြင့် ရောင်းရအကောင်းဆုံးစာအုပ်တစ်အုပ်ကို ရေးသားမည်ဖြစ်ပြီး အထက်ပါနှုန်းထားများထက် ပို၍ပင်များပြားသည့်အခကြေးငွေများကို ရရှိမည်သာဖြစ်သည်။
ဤဆောင်းပါးအား စာရေးရာ Tevi Troy ၏ “What Jefferson Read, Ike Watched, and Obama Tweeted: 200 Years of Popular Culture in the White House.”စာအုပ်မှ ကောက်နှုုတ်ထားခြင်းဖြစ်ပါသည်။
မူရင်း Post ကို အောက်ပါ လင့်အတိုင်း သွားရောက်ဖတ်ရှုနိုင်ပါသည်။
.png)